Tag Archives: مفاهيم العصر الجديد، المشاعر، الروح، الأهداف ، الحياة

مفاهيم العصر الجديد

Standard


 أهم حاجة لازم تعرفها أنك بتخلق حياتك بأفكارك ومشاعرك 

بمعنى أن الفكرة اللى جواك و مصدقها هى اللى هتشوفها حقيقة فى حياتك

لأن الكون ده كله عبارة عن طاقة و كل حاجة فى الكون طاقة و ليها تردد معين 

اينشتين قالك ايه أن e=mc2

يعنى الطاقة بتساوى المادة

فأنت أهم حاجة تعملها فى حياتك أنك تفكر أفكار أيجابية معظم الوقت لكن مش على طول طبعا 

لان ساعات هيجيلك وقت و هتحس بالخنقة و الضيق و القرف فلازم تعبر عن المشاعر دى و متكتمهاش 

أهم تانى حاجة لازم تفهمها فى الكون ده أنه ماشى بنظرية ال flow 

يعنىnon resistance يعنى بدون مقاومة لأى شئ سواء إيجابى أو سلبى 

مفيش حد بيقاوم حاجة فى الكون غير الأنسان و عشان كده أكتر مخلوق بيعانى على الأرض 

لو فهمنا أن الكون بكل ما فيه ماشى كده بتدبير ربنا و مش بيقاوم حاجة و على الفطرة

فبتلاقى كل حاجة سهلة و فيها سهولة

لكن أحنا بنقاوم المشاعر و الأفكار السلبية و كل ظرف احنا فيه شايفين انه مش لازم يحصل فتلاقى حياتنا معقدة جدا 

مش معنى ان لازم تفكر أفكار ايجابية انك تقاوم السلبى او السلبيات اللى فى حياتك 

بل تتقبلها الاول و تقعد معاها لحد ما يتنفس عنها و بعدين تبتدى تفكر فى فكرة ايجابية بالتدريج 

يعنى لو مخنوق تعيط و تطلع كل الكبت اللى جواك و بعدين تبتدى تفكر فى حاجة تريحك نفسيا و بعدين لما تتحسن شوية تشوف فكرة أحسن و هكذا لحد ما تنتقل من السلبى للأيجابى 

لكن أنك تقاوم السلبى. بكل قوتك ده أكبر ضرر ممكن تعمله لنفسك و لجسمك

تانى حاجة الحياة زى ما قلت بتخلقها بأفكارك و فى حاجة حلوة اوووى اسمها ال contrast


كل حاجة وحشة بتحصلك بتخيلك تعرف أنت عايز ايه 

يعنى تعرف الأشياء بضدها

يعنى لو مفلس هتعرف أنك عايز فلوس 

يعنى لو موقف سلبى استمر فترة كبيرة فى حياتك و انت طول الوقت الموقف ده بيفكرك باللى انت عايزه و انت مركز عليه هتوصل فى الاخر للى انت عايزه 

أهم حاجة تعرفها أنك تركز على اللى انت عايزه و تبعد تركيزك عن الحاجات اللى انت مش عايزاها

انت بتجذب لحياتك كل حاجة انت متوافق مع طاقتها حاجة بيسموها ال alignment 


سبحان الله احنا بنقولها كل يوم فى الصلاة اهدنا الصراط المستقيم

يعنى بنسأل ربنا ان يخلينا aligned مع كل حاجة احنا عايزينها

يعنى تكون على نفس الخط مع الحاجات اللى انت عايزاها يكون ترددكم واحد 

زى الراديو لازم تضبط موجتك عشان تلقط المحطة

ايه اللى ممكن ميخلكيش على نفس الخط ؟الأفكار و المشاعر السلبية

انما الايجابية التفاءول التركيز على الهدف السريان مع الحياة و تقبلها الفرحة و السعادة كل دى حاجات بتخليك على نفس الموجة فتلقط كل الحاجات الايجابية 


عشان كده بيقولك التخيل الابداعى ده أحسن حاجة تعملها عشان توصل بسرعة للى انت عايزه 

انت بتتخيل الموقف و تعيش الحالة حالة الانبساط و الفرحة انك أخيرا فعلا عندك الحاجات دى فعقلك بيصدق انها حقيقة مش خيال فينفذها لو استمريت فى التركيز عليها اكتر من مرة

لان العقل الباطن مش بيفرق ما بين الحقيقة و الخيال و هو المسئول عن عملية جذب كل الأشياء اللى انت مصدقها لحياتك

كل معتقداتك فى الحياة موجودة فى العقل الباطن 


بس ممكن تمشى كله صح و تنسى اهم خطوة و هى عدم التعلق بالنتيجة

كل ما تتعلق بحاجة اوووى و تبقى هتموت و تلاقيها او تحققها انت بتعبدها عنك مش بتقربها 

لان طاقتك طاقة desperation يعنى طاقة يأس 

لو بتحس أنك و لا حاجة من غير الحاجة دى و حياتك كلها ملهاش معنى و انك عايش بس عشانها يبقى هتتعب كتير عشان توصل للحاجة دى

لان جواك بتبقى معتقد ان الحاجة دى مش لسه موجودة فى حياتك وانك مش راضى و لا سعيد من غير الحاجة دى فبتعبد عنك بدل ما تقرب لانها طاقة سلبية

لازم تكون سعيد و متقبل الحياة زى ما هى سواء عندك الشىء اللى بتحلم بيه او لأ


اهم حاجة ان تكون على اتصال دائم بمشاعرك بمعنى أن تشعر كل مشاعرك و تعبر عنها سواء سلبية او ايجابية و لا تهرب منها او تكتمها او تنكرها

فالمشاعر وضعها الله داخلنا كبوصلة لتوجهنا الى الطريق الصحيح

فعندما تشعر مشاعر ايجابية كالفرح و السعادة و التفاءول فاعرف انك على الطريق الصحيح لتحقيق هدفك

و عندما تشعر مشاعر سلبية كالحزن و الحقد و الكراهية اعرف انه يوجد شىء خطأ بداخلك يخبرك انك لست مع اتفاق مع أهدافك و يجب أن تعرف هذا الخطأ و تبدأ تنفس عن هذه المشاعر بأسلوب صحيح بدل من انكارها او تجهلها


اعرف انك انت ديما بتختار مصيرك

اعرف أنك روح عايشة لتحقيق مهمة معينة

كل الناس اللى فى حياتك هما أرواح اتفقت معاهم لما تيجوا الارض انكم تحققوا مهمة معينه او تساعدوا بعض فى تعلم دروس معينة بهدف الارتقاء بالروح و الوصول بيها الى اقصى مراحل الارتقاء و من وجهة نظرى للوصول الى الجنة فى النهاية

كل موقف صعب شايف نفسك فيه من وجهة نظر الروح هو درس قيم تتعلم منه 

لقد اختارت كل شىء فى حياتك قبل مجيئك الى الارض لذلك المصير و القدر و النصيب ما هى الا اختياراتك كروح اختارتها لتعيش تجربة معينة

فكل ظروفك و بيئتك و الاشخاص اللى فى حياتك تساعدك على تحقيق هذه التجربة و تدفعك دفعا فى اتجاهها

فمثلا اذا اخترت كروح انك تجرب تجربة “الحرية” فسوف تجىء الى الحياة و تجرب نقيض الحرية تماما فى كل شىء و ستولد رغبة قوية داخلك لان تعيش حياة الحرية و ستجد كل الظروف من حولك تدفعك فى هذا الاتجاه حتى تحصل على الحرية و بهذا تكون حققت مهمة الروح




Advertisements